Nakagawas na si Kris Aquino gikan sa ospital human kini ma-admit tungod sa iyang padayon nga pakigbisog batok sa daghang autoimmune diseases. Sa usa ka update nga gi-post sa iyang Instagram account ning bag-ohay lang, gipahibalo sa Queen of All Media nga siya nakagawas na sa ospital ug karon nagpabilin sa usa ka serviced apartment alang sa iyang recovery.
Gipasabot ni Kris nga usa sa mga gi-perform nga procedures mao ang pag-instalar og port-a-cath, usa ka medical device nga mohatag og mas sayon ug epektibong access sa iyang mga ugat para sa agresibong medical treatment.
Ang port-a-cath usa ka hinungdanon nga kabahin sa iyang treatment plan, tungod kay kini makapamenos sa kasakit ug kalisod nga dala sa kadaghanan sa iyang intravenous procedures, ilabina nga siya karon nagsagubang og 11 ka autoimmune diseases.
Gipadangat usab ni Kris ang iyang pagpasalamat sa tanan nga padayon nga nag-ampo ug nagpakita og suporta kaniya. Giplano nga siya magpabilin sa isolation sulod sa unom ka bulan samtang nagpadayon ang iyang rehabilitasyon ug medikasyon.
Photo courtesy to: GMA NETWORK
