Nakadawat og pagdayeg si Liza Soberano, gikan sa Department of Social Welfare and Development (DSWD) ug Council for the Welfare of Children (CWC) human niyang gisaysay sa publiko ang iyang personal nga kasinatian sa pagpangabuso sa Estados Unidos sa dihang bata pa kini.
Matud pa sa DSWD, pinaagi ni Assistant Secretary Irene Dumlao, ang pagpangusog sa pagbutyag sa nasinati ni Soberano dili sayon nga buhat, tungod matud pa ang pagpaambit sa traumatic nga kasinatian sagad makapabug-at sa emosyon sa usa ka biktima.
Apan, ang iyang pag-open up matud pa gipakita nga posible nga makahatag kini og inspirasyon ug kusog sa uban pang biktima nga wala pa nakapangayo og tabang.
Gipamatuod usab sa CWC nga ang testimonya sa aktres nagpasiugda sa usa ka tinuod nga mensahe nga walay bata ang angay nga masinati og pagpangabuso, pisikal, emosyonal, o sikolohikal.
Giila karon sa maong buhatan ang pagtug-an sa istorya ni Soberano isip usa ka pahinumdom sa kamahinungdanon sa lig-on nga child protection programs ug suporta gikan sa pamilya ug komunidad.
Dugang pa sa mga child rights advocates nga ang pagshare sa istorya sa aktres makapadasig sa mas daghang biktima aron mosulti ug mangayo og hustisya.
Photo courtesy to: INSTAGRAM
