Nag-viral karon sa social media ang post sa usa ka netizen human gisaysay niini ang iyang trauma dihang nag-masturbate atubangan kaniya ang usa ka tricycle driver sa dakbayan sa Surigao. Ang dalaga giilang si Alyas Lotlot, 40-anyos daling nagpatala sa istasyonan sa kapulisan human sa maong insidente.
Pagsaysay sa dalaga, samtang anaa siya sa sulod sa sakyanan gikan trabaho subay sa dalang Kaimo sa syudad, kalit na lang giablihan sa lalaki ang zipper sa pantalon ug dayon gidula-dulaan ang kinatawo samtang nakaatubang kaniya.
Sa iyang pamahayag, daw nawad-an siya og kusog human nakasinati og trauma sa maong panghitabo. Sa dihang nakabalik ang iyang kaubanan sa trabaho, gilayon niyang gisumbong ang gihimo sa drayber apan nagpatulog-tulog na lamang kini pero abli ang zipper.
Human sa pipila ka adlaw, nidool kaniya ang tag-iya mismo sa maong tricycle sa dihang ni-viral kini sa social media ug nahibaloan nga igo ra diay nag-renta ang maong lalaki nga nikomitar sa malaw-ay nga binuhatan.
Gitugyan na ngadto sa kapulisan ang pag-ila sa maong lalaki human nga gipapanubayan kini pinaagi sa tag-iya sa maong traysikol. Pagkakaron, ang maong post gipyestahan sa mga netizen kon asa dul-an 200 shares na sa Facebook.
