Gitay-og sa linog nga dunay gikusgon nga 4.9 magnitude ang tibouk munisipyo sa Governor Generoso Davao Oriental, pasado alas 3:18 ang takna sa kadlawon Agusto 26, 2025.
Sumala pa sa Philippines Institute Volcanology and Seismology (PHIVOLCS) nga ang linog nga nahitabo adunay gialwomon nga 36 km.
Dali kining naka hatag ug alarma sa pipila ka mga residente sa nasampit nga dapit, samtang nabati usab ang linog sa kasikbit niini nga munisipyo nga mao ang San Isidro, Lupon ingon man ang dakbayan sa Mati.
Samtang, nanawagan ang mga personahe sa Municipal Disaster Risk Reduction and Management Office (MDRRMO) nga mag amping sa mga posibleng aftershocks nga masinati.
Hinoon, walay gi-katahong casualty sa nahitabong linog.
