Seguiendo con el dialogo que ya conduci del dias pasao na aca 32 regular session na sanguniang panglungsod, entre el maga opisina concierne, este tene que hace na operacion del night market aqui canatun na ciudad.
Mientrastanto lugi segun el de atun gobierno local na return of investment roi, na operacion del cuantos maga night market aqui na ciudad, este mismo el cosa ya relata, el honorable consehal del distrito dos rey b. Bayoging, durante el entrevista.
Segun con bayoging cay grane este problema sino na dos empleyado quien ta bisya na night market ta escansa ya medya million para na de estos sueldo caday anyom ,omentos pa de este lugi el govierno cay ta pone agua, lus, truck de basura y el mantenida del limpiesa, y todo este ta gasta el govierno.
Ademas pidimiento ahora del mayoria que o hala puede conveni otravez con el asunto na mas temprano tiempo, aver puede emplastao muy bien el maga cosa estipulao na ordinansa del ciudad.
