Mibista ang mga enumerator gikan sa Philippine Statistics Authority (PSA) Region 12, ngadto sa Lokal nga Panggamhanan sa Malungon kaniadtong miaging adlaw sa Senior Citizen Building, Municipal Compound, Malungon, Sarangani Province.
Tumong sa ilang pagbisita aron makig-alayon sa alkalde sa Malungon kalabot sa umaabot nga survey sa kahimtang sa agrikultura sa 22 ka barangay sa lungsod.
Gihisgutan usab nila ang mga lakang aron masiguro ang hapsay ug epektibo nga pagpahigayon sa survey ug ang kamahinungdanon sa partisipasyon sa mga mag-uuma ug mga lungsuranon.
Dugang pa, nagsilbi usab kini nga kahigayonan sa pagpakita sa suporta sa PSA ug sa LGU sa pagpasiugda sa tukmang datos alang sa kalamboan sa sektor sa agrikultura sa Malungon.
via: Malungon Information Office
