Sikop ang usa ka lalaki kinsa namaligya sa iligal nga drugang shabu pinaagi sa gilusad nga drug buy-bust operation sa mga personahe sa Siocon Municipal Police Station sa Barangay Latabon, lungsod sa Siocon, Zamboanga del Norte niadtong Agosto 20, 2025.
Giila ang dinakpan sa alyas nga “Samer”, minyo, usa ka mag-uuma, residente sa nasangpit nga dapit ug nailang Street Level Individual drug personality.
Nasakmit gikan sa suspetsado ang usa ka pakete sa shabu nga nagsilbing buy bust item ug laing tulo ka mga mga pakete sa shabu nga nakuha gikan sa iyang posisyon.
Dugang nasakmit ang 500 peso bill nga buy bust money, lima ka tag 100 peso bill, ug duha ka ginunting nga aluminum tin foil.
Mokabat sa usa ka gramo ang mga nasakmit nga druga nga nagkantidad ug Php6,800.00.
Ang dinakpan ang balhog sa selda sa Siocon Municipal Police Station, samtang ang mga drug evidence ang giturnover ngadto sa Zamboanga del Norte Forensic Unit, Liloy Satelite Office alang sa eksaminasyon.
Photo Courtesy: Siocon Municipal Police Station
