Mokabat sa dul-an P13 milyon ang giapod-apod sa nilabayng adlawa Agosto 22, 2025, isip pinansyal nga ayuda pinaagi sa Emergency Cash Transfer (ECT) alang sa tulo ka mga barangay sa lungsod sa Sto. Tomas kon 1,298 ka mga benepisyaryo gikan sa barangay Talomo, Kimamon, ug Pantaron nga nakadawat og P9,960 matag usa.
Ginapangunahan ang maong payout sa mga kawani sa Department of Social Welfare and Development (DSWD) nga gipahigayon sa Municipal Cultural and Recreational Gym Sto. Tomas Davao del Norte.
Nagpahimangno ang amahan sa maong lungsod nga si mayor Roland S. Dejesica sa tanan nga nakadawat, nga gamiton ang salapi sa saktong pamaagi hilabina alang sa galastuhon sulod sa panimalay.
