Trending karon sa social media ang transgender beauty queen ug influencer Lars Pacheco, human iyang gipahibalo ang katapusan sa iyang 7-ka tuig nga relasyon sa uyab nga si Clyde Vivas.
Sa usa ka emosyonal nga video, giangkon ni Pacheco nga nakasala kini sa ilang relasyon pinaagi sa pagpangaliwa.
Matud pa ni Pacheco, ikatulo ka higayon siyang nangaliwa ug ang pinakasakit mao ang ikatulong higayon, diin gitugotan pa niya si Vivas nga maghatod kaniya aron magkita sa laing lalaki. Iyang giila nga dako kining sayop ug dili na niya madawat ang iyang kaugalingon tungod sa nahitabo.
Sa pikas bahin, misulti usab si Clyde nga grabe ang kasakit nga iyang nabati sa dihang nakadawat siya og sulat gikan ni Pacheco samtang siya natulog.
Bisan pa sa kasakit, nagpasalamat gihapon siya sa maayong mga katuigan nga ilang gisalohan ug nagpasalig nga makabangon sa kalisod.
Kahibaloan, kaniadtong Agosto 20, gipahibalo ni Pacheco ang ilang breakup pinaagi sa usa ka black-and-white photo sa social media uban ang caption: “7 years it was. No regrets, just memories made. I wish you healing. I wish myself forgiveness.” Ang maong post naghatag og dagkong reaksyon sa netizens nga nagpaambit sa ilang opinyon ug suporta sa duha ka personalidad.
Photo credits: PEP.ph
