Gipauswag pa sa Department of Labor and Employment (DOLE) sa Rehiyon 12 ang panginabuhian sa mga informal workers sa SOCCSKSARGEN pinaagi sa paghatag kanila ug access sa mga kahinguhaan nga nagsuporta sa sustainable income generation.
Sa bag-ohay lang nga duha ka adlaw nga pag-apod-apod, ang DOLE, sa pakigtambayayong sa Mahintana Foundation, Inc., mihatag og P11.76 milyones nga kantidad sa welding livelihood kits ngadto sa kapin sa 414 ka indibidwal sa South Cotabato ug Sultan Kudarat provinces.
Subay matud pa kini sa mando sa Presidente sa pagpauswag sa mga oportunidad sa panarbaho pinaagi sa DOLE, sa pakigtambayayong sa Department of Trade and Industry ug sa Department of Social Welfare and Development, nga nagtumong sa pagsuporta sa labing menos 2.5 ka milyon nga mga panimalay nga ubos ang kita.
via: DOLE Region XII – Soccsksargen
