Gilantaw ni ATTY. Rowena Guanzon ang pamahayag ni Josh Mojica, founder ug CEO sa usa ka produkto nga kangkong chips, kinsa mideklarar sa iyang kaugalingon nga usa ka “billionaire”.
Niani og lain-laing reaksyon ug pagduda, apil na niini si kanhi Commission on Elections (Comelec) Commissioner Guanzon.
Gitawag ni Guanzon nga “peke” ang pamahayag ni Mojica ug gipakasama siya kang Edgar “Injap” Sia II, ang tag-iya sa usa ka fast food restaurant nga gikonsiderar nga pinakabata nga bilyonaryo sa nasud sa edad nga 34 anyos.
Daghang mga netizens ang nagduhaduha sa pag-angkon ni Mojica, nga nag-ingon nga “ang tinuod nga adunahan dili naghimo og ngalan alang sa ilang kaugalingon” ug gitawag ang post nga usa ka “stratehiya” o “press release.” Ang uban mihimo og mas hait nga mga komento sama sa “fake rich” ug “utak kangkong.”
Gihagit ni Guanzon ang Bureau of Internal Revenue (BIR) pinaagi sa pulong “please check” sa tax returns sa 21-anyos nga bilyonaryo.
May mga mikuwestiyon sab kon sakto ba nga buhis nga gibayad ni Mojica ngadto sa Bureau of Internal Revenue (BIR).
Bag-ohay lang gisuspenso sa Land Transportation Office (LTO) ang lisensya sa pagmaneho ni Mojica human kini nasakpang nag-videoke gamit ang cellphone samtang nagmaneho og sports car.
Wala pa’y tubag ang BIR sa hangyo ni Guanzon, ingon man ang giingon nga labing bata nga bilyonaryo nga si Josh Mojica.
photo credits:balita
