Pabilin nga gipailawom sa monitoring sa Bureau of Fisheries and Aquatic Resources (BFAR) Zamboanga Peninsula ang kabaybayonan sa Dumaquillas nga makaplagan sa Zamboanga del Sur gumikan positibo gihapon kini sa red tide.
Ang maong kumpirmasyon nahisubay sa Shellfish Bulletin No. 17 ,Series of 2025 nga gipagawas pinaagi sa facebook post sa BFAR 9.
Tungod niini hugtanon karun nga gipahinumduman ang publiko nga likayan ang pagkaon sa mga kinhason nga makuha gikan sa maong apektadong lugar.
Tungod sa nakitang Paralytic Shellfish Poison (PSP) di gihapon luwas nga kaunon ang mga shellfish gikan sa nahisgutang lugar.
Mamahimong kaonon ang isda, pusit, pasayan, alimango nga makuha gikan sa mga maong dapit apan angay nga limpyuhan ug lutuon kini pag-ayu.
source:BFAR 9
