Arestado ang unom ka indibidwal, sa duha kaadlaw nga operasyon sa Police Regional Office 12, gikan sa niadtong Agosto 19 hangtod Agosto 20, 2025.
Sa gipagula nga datos, upat ka operasyon ang gipahigayon sa otoridad batok sa wanted persons, diin lima niini ang naaresto nga gilangkuban sa duha ka Provincial Level, usa ka Municipal Level ug laing duha nga mga wanted persons.
Samtang, duha ka operasyon usab ang gikasa batok sa ilegal nga droga, kung asa usa ang arestado ug nakumpiska ang 1.8grams sa shabu nga nagkantidad og P12,240.56.
Kini nga mga operasyon, nagpakita lamang nga walay lugar sa rehiyon ang mga wanted person lakip na ang mga nagapayuhot og ilegal nga droga.
via:Regional Public Information Office – PRO 12
