Gibutyag ni Liza Soberano ang grabeng trauma nga iyang naagian sa bata pa siya didto sa Amerika, ang iyang kanhi manager nga si Ogie Diaz nipadayag og depensa ug pagsuporta sa aktres.
Dinhi gikompirmar ni Ogie nga tinuod ang trauma ni Liza nga matud pa nasayod na siya sa pipila sa naagian ni Liza ug gidayeg niya ang kaisog niini.
Saysay pa niya nga dili ganahan si Liza sa mga manyika ug mga tray sa itlog tungod sa dili maayong mga handumanan sa iyang pagkabata.
Kahinumduman, sa usa ka podcast episode sa “Can I Come In?” ni Sarah Bahbah, giasoy ni Liza kung giunsa sila pagkidnap sa iyang igsuon sa bata pa sila, lakip na ang pagkaadik sa droga sa iyang inahan, lakip na ang kabangis sa iyang foster parents lakip na ang pagpakaon sa hugaw sa iro ug pagkandado ngadto kaniya sa garahe.
Nagtuo usab si Diaz nga ang mga kasinatian ni Liza nakatampo sa iyang kahanas sa pag-arte sa mga eksena.
Dugang pa ni Ogie nga ang pangandoy ni Liza nga mahimong artista, sukwahi sa mga interview kaniadto sa aktres diin matud pa niya wala gyud siyay tuyo nga mahimong artista.
Sa laing bahin, gikompirmar usab ni Liza sa nahisgutang podcast nga halos tulo na ka tuig nga buwag sila sa iyang kanhi ka-loveteam nga si Enrique Gil, kinsa iyang gitawag og “first love” ug “safety net.”
via:pinterest
