Samad sa ulo ang naangkon sa 48 anyos nga babae human kini aksidenteng naligsan sa motorsiklo samtang mitabok sa dalan, alas 10:30 sa buntag, Agosto 20, 2025, sa coastal road sa Purok 1B, Barangay San Juan, Surigao City.
Naila ang biktima nga si Arsenia Bonilla Adillio, 48 anyos, babaye, minyo, self employed ug residente sa Purok 1B, Brgy. San Juan, Surigao City.
Ang nakabangga usa ka blue Yamaha Mio 125 nga adunay plate no. 982 ZLB, nga gimaneho ni Earl Patrick Balmora Lerio, 18 anyos, lalaki , construction worker ug residente sa Purok 9, Sitio Songkoy, Brgy. Poctoy, Surigao City.
Sa imbestigasyon sa kapulisan, nasayran nga nagsubay ang motor sa coastal road sa Purok 1B, Barangay San Juan, paingon sa Barangay Sabang.
Sa pag-abot sa lugar nahitaboan aksidenteng nabanggaan biktima ug natumba sa dalan. Nakaangkon og samad sa ulo ang biktima ug daling gidala sa Caraga Regional Hospital aron matambalan sa gidangatan.
Hinuon, andam nga manubag ang drayber sa galastohan sa biktima nga kasamtangang nagpa-alim sa tambalanan.
