Gi-priso ang tulo ka Buko Vendor dihang nag-away sa wala matino nga hinungdan nga miresulta sa kagubot, niadtong Agosto 20, 2025, mga ala 1:17 sa hapon, sa Paradise Street, Barangay Taft, Surigao City.
Sa nakuhang blotter report, gikan sa Surigao City Police Station, nasayran nga naglalis ang tulo ka Buko Vendor nga naila nga sila;
John Mark Noveda Narca, 32 anyos, lalaki, ulitawo, ug residente sa Baybay Parola, Barangay Taft, Surigao City; Daniel Noveda Narca Jr., 27 anyos, lalaki, ulitawo, ug residente sa Purok 8, Navalca, Barangay San Juan, Surigao City; ug John Bert Polo Ugay, 28 anyos, lalaki, ulitawo, ug residente sa Sitio Toril, Barangay Luna, Surigao City.
Sa imbestigasyon sa kapulisan, nasayran nga ang suspek nga si John Bert personal nga nakig-atubang kang Daniel Noveda nga naglalis kini kalabot sa milabay nga panagbangi nga misangko sa away.
Samtang si John Mark Noveda miapil nga nagwara-wara usab sa hinagiban, nga nakapasamot sa kaguliyang sa lugar.
Nagkagubot ang tulo ka indibidwal nga parehong armado sa hinagiban hinungdan nakahatag kahadlok sa publiko ug mga motorista.
Pagkadawat sa report ang kapulisan ug daling girespondehan kini nga miresulta sa pagkasikop sa mga suspek dayon gikustodiya sa detention cell.
Nakumpiska gikan sa mga suspek ang mga hibagiban; usa ka metal nga tubo nga adunay detachable bladed nga may sukod nga 8.5 ka pulgada, ug usa ka stainless bladed nga hinagiban nga may sukod nga 8 pulgada nga adunay sakuban.
Gikatakdang kasohan sa paglapas sa Article 155 sa Revised Penal Code (Alarms and Scandals) ug Batas Pambansa Blg. 6, nga may kalabotan sa kasamok nga nahitabo sa nahisgutang lugar.
