GipasabotT ni Science Research Analyst Milo Tabigue nga ang gitawag nga “The Big One” dili pasabot nga sigurado nang mahitabo sa usa ka tukmang petsa o oras.
Matod pa niini kini usa ka term nga gigamit sa mga eksperto aron ihulagway ang posibilidad sa usa ka kusog ug dakong linog nga mahimong mahinabo ilabina sa mga lugar nga naigo sa major fault.
Dugang pa ni Tabigue, ang publiko kinahanglan nga dili mahadlok, apan mag-andam pinaagi sa pagpakisayod sa mga evacuation site, pagsalmot sa earthquake drills, ug pag-andam sa emergency kit.
Gihimakak usab niini ang mga mikaylap nga impormasyon kabahin sa panagna sa social media nga adunay petsa ug tukmang oras sa mahitabo nga linog.
Gihingusgan niini nga walay teknolohiya nga makapredict sa eksaktong oras ug adlaw sa usa ka linog.
