Natumbok na sa kapulisan ang motibo sa natigayong pagpamusil sa usa ka kumprador og baboy sa Purok 4, Brgy Sambulawan, Tukuran, Zamboanga del Sur, niadtong Agosto 12, 2025.
Base sa gipagawas nga statement sa Zamboanga del Sur Police Provincial Office (ZSPPO), gitudlong tulis ang motibo sa suspetsado gumikan nakadala kini ug P100,000.00 nga salapi gikan sa biktima.
Kahinumduman, samtang ang biktimang si Renante anaa sa lugar nahitabuan aron pagpamalit ug buhing baboy, kalit lang usab midangat ang suspetsado ug gipusil ang biktima.
Igo sa walang kamot ang na-angkon sa biktima nga karon anaa pa nagpaalim sa balay tambanan samtang misibat sab dayon ang suspetsado human sa panghitabo.
Padayon pa sab nga naglusad ug manhunt operation ang kapulisan aron madakpan ang mihimo sa kremin ug mapapanubag sa iyang salaod.
Photo for illustration credits to:guardian.co.tt
