Sikop ang usa ka lalaki kinsa nag-atubang sa kasong Qualified Theft kon pagpangawat pinaagi sa gilusad nga joint law enforcement operation sa mga otoridad sa South Proper, Brgy. Galas, Dipolog City niadtong Agosto 12, 2025.
Giila ang dinakpan nga si Rey Bangcale Abila, 37 anyos, ug residente sa Brgy. Guinles, lungsod sa Polanco, Zamboanga Del Norte.
Gisikop ang suspetsado pinasikad sa warrant of arrest sa nasangpit nga kaso nga gipagula sa Regional Trial Court, 9th Judicial Region, Branch 7, Dipolog City, Zamboanga del Norte pinetsahan ug Agosto 12, 2025.
Ang korte ang adunay girekomendar nga pyansa nga nagkantidad sa Php60,000.00 alang sa temporaryong kagawasan niini.
Gipangunahan ang maong operasyon pinaagi sa mga personahe sa Dapitan City Police Station sa koordinasyon sa 5th SOU Maritime Group ug 901st MC RMFB9.
Ang dinakpan ang gidala ngadto sa kustudiya sa Dapitan CPS alang sa tukmang disposisyon.
Photo credits:Dapitan CPS
