GENERAL SANTOS CITY- Nagpahigayon og surgical mission ang Maharlika Charity Foundation ug ang Task Force Gensan alang sa mga bata nga adunay cleft lip ug cleft palate nga gipahigayon sa Heramil Hospital sa Polomolok, South Cotabato, nga nagsugod kaniadtong lunes ug molungtad hangtod Agosto 14.
Ang kalihokan, adunay pre-screening nga magsilbi sa mga pasyente nga nag-edad og 10 ka bulan pataas ingon man usab kkadtong adunay clubfoot, gikan sa mga bag-ong natawo hangtod sa 14 anyos.
Sumala sa Task Force Gensan, ang inisyatiba nagtumong sa pagtabang sa mga bata nga nanginahanglan og operasyon, uban ang tumong sa pagpalambo sa healthcare access ug pagpauswag sa kinabuhi niadtong adunay congenital condition.
photo credits: Task Force Gensan
