TAGUM CITY- Nadakpan ang usa ka lalaki human sa gipahigayong joint Anti-Illegal gambling operation sa mga sakop sa San Isidro Municipal Police Station, 1st DNPMFC, ug Provincial Special Operation Group (PSOG), pasado ala-1 sa udto, Agosto 10, 2025 sa Prk. New Argao, Brgy. Sawata San Isidro sa nahisgutang probinsya.
Giila ang maong suspek nga usa ka Roderick Continedo, 30 anyos, single, laborer, kinsa residente sa Brgy Datu Balong sa nasangpit nga lungsod.
Gisikop kini gumikan sa dayag nga paglambigit sa illegal gambling nga nailhan sa lokal nga Cara Y Cruz kon hantak, nga paglapas niini sa Presidential Decree 1602, samtang ang mga manayaay sa naasoy nga iligal nga pasugal daling nakasibat ug nanagan sa wala matinong direksyon.
Gidala na sa kustodiya sa kapulisan ang maong dinakpan alang sa tukmang disposasyon.
photo credits: artofit.org
