TAGUM CITY- Nadakpan sa Manhunt Charlie Operation ang usa ka giingong construction worker alas-2 sa hapon, Agosto 10, 2025. Pinaagi sa hiniusang pwersa sa kapulisan sa Island Garden City of Samal, ug uban pang personahe gikan sa laing departamento sa Davao Norte Police Provincial Office sa Prk. Bougainvillea, Brgy. Kanaan, Kaputian District IGACOS Davao del Norte. Naila ang suspek nga usa ka Ely Tahil, 50 anyos, single, ug residente sa nahisgutang lugar.
Gisikop kini pinaagi sa gahkm sa warrant of arrest nga gipakanaug sa korte nga giisyu ni Hon. Presiding Judge Maria Eloisa A. Maglana, sa Branch 4, Family Court, 11th Judicial Region Island Garden City of Samal nga adunay petsa’ng Agosto 5, 2025.
Sa paglapas sa balaod sa Sexual Assaults ilawom sa Article 266-A, paragraph 2 sa Revised Penal Code in relation to Section 5 (B), sa Republic Act 7610, nga na-doket ubos sa mga criminal case number ug Acts of Lasciviousness in relation to section 5 (B) sa RA 7610 nga duha ka ihap ubos sa criminal case numbers nga adunay piyansang girekomenda nga nagkantidad og P180,000.
Gikustodiya na sa nasangpit nga estasyon ang maong suspek alang sa tukmang disposasyon ug dugang dokumentasyon.
photo for illustration credits to:ehow
