KIDAPAWAN CITY- Gipahigayon sa Lokal nga Panggamhanan sa Midsayap, sa pagpangulo sa local ehekutibo, ang usa ka importante nga kalihokan para sa mga kabatan-onan nga adunay temang Youth for Truth, Media for Peace Literacy Training niadtong agosto 10,2025.
Kini nga inisyatibo, uban sa pakigtambayayong sa Philippine Information Agency Region XII nga nagtumong sa paghatag og gahum sa mga batan-on batok sa fake news ug disinformation.
Gihimo Ang training aron mapalig-on ang kahibalo ug kahanas sa kabatan-onan sa pag-ila ug pag-analisa sa mga impormasyon, labi na karon nga paspas ang pagkaylap sa mga sayop nga balita sa social media ug nag-focus kini sa pag-promote sa media literacy ug responsableng pagpaambit sa impormasyon.
Nitambong sa maong kalihokan ang nagkadaiyang grupo sa mga batan-on, sama sa mga student leader, Sangguniang Kabataan officials, mga miyembro sa Local Youth Development Council, communication students, ug mga sakop sa LGBTQ organizations.
Aktibo sila nga miapil sa mga diskusyon ug mga praktikal nga aktibidad nga may kalabotan sa fact-checking ug ethical journalism.
Gipasiugda sa local ehekutibo ang dakong papel sa mga batan-on isip mga kritikal analizer ug ang ilang importansya sa pagpanalipod sa kamatuoran ug pagpalambo sa kalinaw sa komunidad.
VIA: MIDSAYAP INFO
