TAGUM CITY-Wala na makaikyas pa ang usa ka 40-anyos nga babaye nga wanted sa kasong estafa human nadakpan sa gikasang “Manhunt Charlie” operation sa Purok 10, Barangay Tibal-og, Santo Tomas, alas 10:00 sa buntag niadtong Agosto 7, 2025.
Giila ang nadakpan nga si Michelle Valenzuela, single, walay trabaho, ug non-government beneficiary nga residente sa maong lugar.
Gihimo ang pagdakop sa Santo Tomas Municipal Police Station, uban ang mga personahe gikan sa nagkalain-laing departamento sa kapulisan sa probinsya sa Davao del Norte.
Pinasikad sa Warrant of Arrest nga giisyu ni Hon. Darlene Marie Sio Magabilen-Presto, ang Presiding Judge sa Municipal Trial Court, 11th Judicial Region, Carmen-Santo Tomas-B.E. Dujali, Davao del Norte nga pinitsahan kaniadtong Hulyo 24, 2025.
Dugang pa niini, ang kaso batok kang Valenzuela adunay nakadokit, ubos sa Criminal Case Number nga may girekomendang piyansa nga nagkantidad og ₱18,000.
Sa pagkakaron, anaa na sa kustodiya sa Sto. Tomas Municipal Police station Custodial Facility ang maong dinakpan, alang sa saktong disposasyon og dokumentasyon.
photo for illustration credits to:the grio
