KIDAPAWAN CITY- Sikop sa hiniusang pwersa sa President Quirino Municipal Police Station, Provincial Intelligence Unit sa Sultan Kudarat PPO ug Regional Intelligence Division 12 ang Top 5 Regional Most Wanted Person sa Barangay Tinaungan, President Quirino, Sultan Kudarat, alas 3:57 sa kahaponon niadtong milabayng adlaw.
Giila ang suspek nga si Alyas Roming, 46-anyos, minyo, mag-uuma ug residente sa nahisgutang barangay.
Nasikop ang suspek pinaagi sa gahom sa Warrant of Arrest nga gi-isyu sa Regional Trial Court, 12th Judicial Region, Branch 20, Tacurong City, sa kasong Murder, penitsahan niadtong April 20, 2021 nga walay girekomendang pyansa, bayolasyon sa Section 5, Article II sa RA 9165 o Comprehensive Dangerous Drugs Act of 2002, penitsahan niadtong March 18, 2021 nga adunay pyansang girekomenda nga P200K, kasong Murder penitsahan niadtong March 9, 2022 nga walay girekomendang pyansa ug kasong carnapping with homicide, penitsahan niadtong March 31, 2023 nga walay pyansang girekomenda.
Sa karon, balhog na sa President Quirino Custodial Facility ang suspek alang sa dokumentasyon ug tukmang disposisyon.
VIA: Regional Public Information Office – PRO 12
