TAGUM CITY- Gisumbong sa kaugalingong inahan ngadto sa kapulisan ang iyang anak nga adunay mokabat 1,000 ka gramos nga gituohang pinaugang dahon sa marijuana,ang suspek giilang si alyas “Ariel” 20 anyos, bandang alas 11:00 sa buntag niadtong Agosto 10, 2025 sa Purok 6-A, Aplaya, Bunawan, Davao City.
Sumala sa nahipos nga report sa kapulisan, mismong reklamante ang inahan sa dinakpan nga si alyas Alaine, 42-anyos nga sumala pa, nanawag ug nisumbong nga nasayran nga wala na sa saktong dagan sa pangisip ang iyang anak ug napalgan niya ang giingong usa ka balot nga pinaugang marijuana sulod sa bag ni alyas “Ariel”.
Daling girespondehan sa kapulisan ang maong taho ug nasikop ang suspek human nga makumpirma sa reklamanteng inahan.
Mokabat ang alegasyong marijuana, sa P1,500,000 ug gitakda nang pasakahan sa tukmang kaso ang suspek kinsa anaa na sa kustodiya sa kapulisan alang sa saktong disposasyon og dokumentasyon.
