TAGUM CITY- Mokabat sa dul-an P1.9 milyon nga gituohang shabu ang nasakmit sa kapulisan sa pagpanguna sa mga personahe sa Panabo City Police Station, ilawum sa direktiba ni PLTCOL Dexter R Cuevas, Officer In-charge, inubanan sa mga personahe sa Regional Police Drug Enforcement Unit 11 (RPDEU11), Provincial Intelligence Unit of Davao Norte Police Provincial Office (PIU-DNPPO), PNP Special Action Force 13th SAC, 1st SAB, 2nd Davao Norte Provincial Mobile Force Company (2nd DNPMFC) ug PDEA Davao del Norte.
Gikasa ang hiniusang operasyon batok sa ilegal nga droga nga miresulta sa pagkasikop sa usa ka giilang alyas “GAW” hamtong ang pangidaron, ug gikonsederang usa ka high value individual. Natigayon ang operasyon sa Brgy. Salvacion, syudad sa Panabo, alas 12:24 sa kadlawon, Agosto 9, 2025.
Nakumpiska gikan sa maong suspek ang upat (4) ka piraso nga transparent nga cellophane nga dunay sulod sa gidudahang shabu, nga motimbang sa gibana-banang 273 gramos, ug adunay Standard Drug Price (SDP) nga mobalor sa P1,856,400.00.
Tanggong karon sa kustodiya ang suspek ug mag-atubang sa kasong paglapas sa balaod sa section 5 ug 11, ilawum sa R.A 9165 kon “Comprehensive Dangerous Drug Act of 2002”.
Mapasalamaton ang kapulisan sa padayong pakig-alayon sa katawhan sa pagtabang nga masugpo ang ilegal nga droga sa syudad sa Panabo.
Samtang gi-awhag ang tanan nga mo-report gilayon sa ilang buhatan kung adunay mga ilegal na mga aktibidadis mahitungod sa ilegal nga droga sa matag lugar.
