KIDAPAWAN CITY- Nagpadayon ang Philippine Statistics Authority (PSA) North Cotabato sa pagpatuman sa regular nga mga survey, ilabi na ang Agricultural Statistics Survey, aron makolekta ang tukma ug kasaligan nga datos kabahin sa sektor sa agrikultura sa probinsya.
Sumala ni PSA officer in charge Norhayyah Tula, ang survey naglangkob sa daghang impormasyon sama sa produksyon sa tanom ug hayop, presyo sa mga produkto sa uma, ug kita sa mga mag-uuma ug mag-uuma sa hayop.
Ang nakolektang datos magamit sa pagplano ug paghimo og polisiya nga makatabang sa pagpalambo sa agrikultura ug ekonomiya sa rehiyon.
Gihangyo sa ahensya ang tanang respondents nga magcooperate ug motubag sa mga pangutana sa enumerators, nga nagdala sa ilang opisyal nga ID aron sa kasiguruhan sa ilang identidad.
Giapil niini ang pagpasalig nga tanang impormasyon nga makolekta protektado ug gamiton lamang sa opisyal nga estadistika.
Naglaum ang PSA North Cotabato nga pinaagi sa maong survey, mas masuta ang kahimtang sa sektor sa agrikultura ug mapalig-on ang mga programa alang sa mga mag-uuma ug namuhi og hayop sa probinsya.
source: PSA Region XII North Cotabato
