DIPOLOG CITY- Dakpan ang usa ka balot vendor sa gipahigayong buy bust operation sa mga personahe sa Dipolog City Police Station sa Purok Orchids, Brgy Sicayab, Dipolog City kapin kon kulang alas 8:29 sa gabie niadtong Agosto 10, 2025.
Giila ang dinakpan nga si alyas Paloy, 25 anyos, lalaki ug residente sa Purok Orchid sa nasangpit nga barangay.
Nasakmit gikan sa suspetsado ang usa ka gamay nga pakete sa shabu nga nagsilbing buy bust item ug ang 1,000 peso bill nga nagsilbing buy bust money.
Dugang nasakmit gikan sa posisyon sa dinakpan ang lain pang usa ka gamay nga pakete sa shabu ug usa ka plastic transparent cellophane nga nagsilbing container sa druga.
Mokabat sa duha ka gramo ang nasakmit nga druga nga nagkantidad ug Php13,600.00.
Ang dinakpan ang balhog na sa selda sa Dipolog City Police Station alang sa tukmang disposisyon.
via:Dipolog City Police Station
