KIDAPAWN CITY- Nadiskubrehan ang usa ka bala sa 81mm mortar sa Sanitary Landfill sa Brgy. Tibao, M’lang, North Cotabato niadtong milabayng adlaw.
Sumala pa sa trabahante sa naasoy nga lugar nga si Dexter Bautista, nadiskubrehan niya kini bandang alas 6:30 sa buntag diin nakasulod kini sa usa ka bag og gilabay sa basurahan.
Tungod sa kabug-at sa bag, iyang gisusi ang sulod niini og dakong kakurat ni Bautista dihang usa ka bala sa mortar ang iyang nakita.
Dali usab nga gikordon sa mga sakop sa 40th Infantry Battalion ang lugar samtang ginahulat ang Explosive Ordnance Disposal team.
Sa karon, padayon pang ginasusi sa EOD ang naasoy nga bala.
Panawagan sa mga otoridad publiko, nga kung adunay makit-ang kadudahang butang, mamahimong mopalayo dayon og e-report kini sa ilang buhatan aron dali kining maaksyonan.
Photo credits: Kap Tongs
