SURIGAO CITY- Gikasohan sa awtoridad ang VIP Protection Agent human nagpabuto og armas sa may Purok 7, Barangay San Juan, Surigao City, Sabado, Agosto 9, 2025.
Sa nakuhang report sa Surigao City Police Station, nailhan ang suspek nga si Ian Dorja Asilo Langit, 31 anyos ug taga Navalca St., Barangay San Juan,sa dakbayan.
Base sa inisyal nga imbestigasyon, nasayran alas 9:30 sa gabii niabot ang suspek sa balay nga hubog. Nasayran nga ang suspek nasuko dihang nadiskobrehan nga ang iyang partner adunay kulokadidang.
Hinungdan nga nisaka kini sa terrace sa second floor sa ilang balay ug nagpabuto og Armas sa makadaghang higayon. Hinuon, mitahan ang suspek ngadto sa mga awtoridad samtang narekober sa crime scene ang 9 ka bala sa kalibre 45.
Narekober sab (1) ka unit na 1911 ARMSCOR .45 caliber pistol, (1) ka passport, usa (1) ka handcuff, (1) ka Driver’s License, (1) ka Protection Agent ID, (1) ka MMTF ID, (1) ka empty magazine, (1) ka magazine loaded ns may 10 ka bala, (1) ka magazine loaded na may 12 ka bala .
Mag-atubang ang Suspek sa kasong illegal discharge of firearms and alarm scandal inquest proceedings.
