PAGADIAN CITY- Gipusil patay ang usa ka 26 anyos nga lalaki sa wala maila nga gunman sa may kasagbutan nga bahin sa Purok Santan, Barangay Poblacion, Dinas, Zamboanga del Sur, alas 10 sa buntag, Agosto 8, 2025.
Ang biktima nailang si Mohager, 26 anyos, lumulupyo sa Barangay Benuatan, sakop sa nahisgutan nga lungsod.
Sa imbestigasyon sa kapulisan, sa wala pa mahitabo ang insidente, una nga namatikdan ang itom nga Ford Ranger pick-up nga naka-parking sa lugar nga dali sab nga mibiya sa lugar human sa insidente.
Na-recover sa Crime scene sa mga investigators ang fired cartridge case ug bala sa kalibre .45 nga pistola, aluminum foil, usa ka disposable lighter, usa ka gray sling bag, ug usa ka paresan sa tsinelas.
Naglusad na sab ug hot pursuit operation ang Dinas Municipal Police Station aron masikop ang misibat nga suspetsado nga karon pabilin pang gawasnon.
Gi-request na usab ang Zamboanga del Sur Provincial Forensic Unit nga i-proseso ang crime scene aron paglusad ug dugang imbestigasyon.
Photo credits: PNP ZDS
