SURIGAO CITY- Nagpaalim sa tambalanan ang 81 anyos nga lolo sa gidangatan nga samad nga naangol dihang aksidenteng nabanggaan sa Motorsiklo, Agosto 7, 2025 mga alas 2:30 sa hapon, sa km 3 Barangay Luna, Surigao City.
Nailhan ang biktima nga si Romeo Marabella Encarnacion, 81 anyos, lalaki, minyo, ug residente sa Del Castillo Compound, Km 3, Barangay Luna, Surigao City.
Ang nakabangga usa ka unit nga sky blue- Yamaha Fazzio motorsiklo nga adunay plate number 875ZUA, nga gimaneho ni Manuel Tesado Española II, 20 anyos, lalaki, ulitawo, ug residente sa Purok 6, Sitio Banahaw, Barangay Sabang, Surigao City.
Sakay ang back rider nga si Vincent Campos Lim, 21 anyos, lalaki, ulitawo, ug residente sa Purok 4, Barangay Bonifacio, Surigao City.
Sa report gikan sa Surigao City Police Station, nasayran nga ang motorsiklo nagsubay sa Km 3 sa National highway, paingon sa Barangay Bonifacio sa syudad.
Sa pag-abot sa lugar nahitaboan kalit nga mitabok ang biktima sa pedestrian lane.
Apan aksidenteng naigo kini sa naghaguros nga motorsiklo hinungdan nga natumba ang biktima ug nakaangkon og mga samad.
Hinuon daling gidala ang nasamdan nga biktima sa Caraga Regional Hospital aron matambalan.
Ang drayber ug ang nalambigit nga sakyanan gidala sa Police Station alang sa tukmang disposasyon.
