SURIGAO CITY- Dakpan ang 22 anyos laborer atol sa gipahigayong drug buy bust operation, Agosto 8, 2025, mga ala 1:00 sa kaadlawon, sa Purok-5 Proper Brgy. Canlanipa, Surigao City.
Naila ang suspek nga si ALDRIN DAGUIL SALAZAR alyas Clarence, lalaki, ulitawo, 22 anyos, laborer, ug residente sa Purok Tower, Brgy. Canlanipa, Surigao City.
Sa impormasyon gikan sa Surigao City Police Station, nagpahigayon og buy-bust operation ang Drug Enforcement Unit (DEU) ubos sa pagdumala ni PLTCOL MARIANO C LUKBAN ug PDEA SDN PO.
Nakompiska gikan sa posisyon sa suspek ang; Usa (1) ka plastic sachet sa gituohang shabu nga napalit sa poseur-buyer nga adunay gibanabanang gibug-aton nga kapin o kulang 0.16 gramos nga adunay standard nga Drug Price value nga One Thousand Eighty Eight Pesos (₱ 1,088.00) @ ₱ 6,800.00 matag gramo; (18) ka plastic sachet sa gituohang shabu nga gibana-banang motimbang 2 gramos nga adunay standard nga Drug Price value nga (Php 13,600.00) @ ₱ 6,800.00 matag gramo; usa (1) ka One Thousand Peso bill nga marked money, cash One Hundred Fifty Pesos, usa ka huawei smart phone, Black Wallet ug Cigarette Box.
Ang dinakpan nga suspek ug mga ebedinsya gikustodiya na sa Surigao City Police Station alang sa tukmang disposasyon ug dokumentasyon.
Gitakdang pasakaan ang suspek sa kasong Paglapas sa Art. II sec 5 ug 11 sa RA 9165 “Dangerous Drugs Act of 2002”.
Photo credits: Surigao City Police Station
