KIDAPAWAN CITY- Patay ang pulo ka indibidwal, samtang 13 usab ang angol nga sakay sa mini dump truck, human kining nahulog sa pangpang sa Highway 70, Sitio Platacan, Christianuevo, Lebak, Sultan Kudarat, bandang alas 5:30 sa hapon kagahapong adlawa.
Sa impormasyon sa otoridad, pauli na unta ang mga biktima gikan sa kasal nga ilang gitambungan sa Lebak, Sultan Kudarat ug paingon kini sa Barangay Senditan, dihang kalit matod pa nga nawalaan og brake ang ilang gisakyan nga miresulta sa pagkahulog niini sa pangpang.
Giila ang mga namatay nga sila Tods Mamintal, Tahir Nakan, Babylyn Sahipa, Aling Sahipa, Muhammad Digan, Muhammad Macarimbang, Ramon Manoo, Moner Abdullah ug duha ka gagmayng bata nga wala na gipanganlan.
Samtang giila usab ang mga naangol nga sila Saidamin Omar, Wembos Uteng, Musib Nakan, Bens Tacpan, Aireen Tacpan, Ibrahim Ambolodto, Johair Omar, Arbaina Ambolodto, Morsalin Degan, Pending Eman, Haya Bansalan, Samsudin Ambolodto, ug Bibi Tacpan.
Tungod sa kalalom sa pangpang nga gihagbungan sa sakyanan, hinungdan nga naglisod ang mga rescuer.
Paspas usab nga girespondehan sa mga personahe sa MDRRMO ug uban pang rescue agencies ang maong aksidente diin daling gidala sa South Upi Municipal Hospital ang mga samran alang sa atensyong medikal.
#Contributed Photos
