𝐄𝐌𝐏𝐋𝐄𝐘𝐀𝐃𝐎 𝐒𝐀 𝐁𝐄𝐀𝐂𝐇 𝐑𝐄𝐒𝐎𝐑𝐓 𝐃𝐀𝐊𝐏𝐀𝐍 𝗦𝗔 𝗕𝗨𝗬-𝗕𝗨𝗦𝗧 𝗢𝗣𝗘𝗥𝗔𝗧𝗜𝗢𝗡

DIPOLOG CITY- Dakpan sa gipahigayong drug buy bust operation sa Purok Rosas, Brgy. Dawo, Dapitan City ang usa ka lalaki nga empleyado sa usa ka beach resort niadtong nakalabayng gabie.

Giila ang dinakpan nga si alyas Andres, 47 anyos, minyo ug residente sa Brgy. Taguilon sa maong dakbayan.

Nakuha gikan sa dinakpan ang usa ka gamay nga pekete sa shabu nga nagsilbing buy bust item ug ang 500 peso bill nga buy bust money.

Dugang nasakmit sa iyang posisyon ang dugang 4 ka mga gagmayng pakete sa shabu, usa ka unit sa PIAGGIO ug uban pang mga non-drug items.

Ang mga nasakmit nga druga ang motimbang ug 3.5 gramos nga nagkantidad ug Php23,800.00.

Ang dinakpan ang gikustudiya na sa Dapitan City Police Station ug mag-atubang sa kasong paglapas sa RA 9165 kon Comprehenssive Dangerous Drugs Act of 2002 samtang ang nakumpiska nga druga ang giturnover ngadto sa ZN Provincial Forensic UNIT-9 alang sa eksaminasyon.

PHOTO:DAPITAN CPS