IPIL- Nadakpan ang usa ka hamtong nga lalaki nga residente sa Talusan atol sa gipahigayon nga Buy-bust operation sa mga personahe sa Talusan Municipal Police Station (MPS) sa Barangay Kasigpitan, Talusan, Zamboanga Sibugay sa nakalabay nga adlaw.
Ang operasyon miresulta sa pagkumpiska sa upat (4) ka pinutol nga heat-sealed green drinking straws nga adunay gituohang shabu nga may gibug-aton sa 1 ka gramo gibanabanang nagkantidad sa Php 6,800.00.
Ang suspetsado gidala sa Talusan MPS alang sa dokumentasyon ug husto nga disposisyon samtang ang nakumpiskang ebidensya gidala sa Zamboanga Sibugay Provincial Forensic Unit alang sa laboratory examination.
Photo credits: TALUSAN MPS
