TANDAG CITY- Dakpan sa operasyon sa kapulisan ang gituohang “Gunman” sa pagpatay sa broadcaster nga si Boy Segovia.
Sa nakuhang report gikan sa Surigao del Sur Police Provincial Office (SDSPPO) sa gabii, Agosto 5, 2025, nailhan ang suspek nga usa ka Alias “Jeffrey Birador”, 40 anyos.
Ang suspek naaresto pinaagi sa implementasyon sa duha ka search warrants niadtong Sabado sa gabii, Agosto 2, 2025, didto sa Sitio Napanpanan, Barangay Rajah Cabungsuan, Lingig, Surigao del Sur.
Gi-isyu ang search warrants sa Regional Trial Court Branch 46 sa Biglig City alang sa violation sa Republic Act No. 9516 o ang Illegal Possession of Firearms, Ammunition, or Explosives.
Nakuha gikan sa suspek ang mosunod; One (1) unit black .45 caliber Taurus pistol (serial no. 550622) adunay (6) ka bala; One (1) brown holster; One (1) unit .45 caliber pistol (serial no. 100160) adunay (6) ka bala; One (1) fragmentation grenade ug sling bag;
Madumdoman nga gipusil ang broadcaster nga si Erwin Segovia, “Boy Pana,” samtang sakay sa iyang single motor, niadtong Hulyo 21, 2025 sa Barangay Mangagoy, Bislig City. Gimugna ang Task Force Segovia ilalum sa SDSPPO nga gipangunahan ni Col. Jeffrey Lawrence Mauricio.
photo credits: SDSPPO
