DIGOS CITY- Gipahigayon karong adlawa, Agosto 4, 2025, ang ika-lima nga regular session sa ika-siyam nga konseho sa syudad sa Digos, nga gipangulohan ni Presiding Officer Vice Mayor Juhari Baña, kauban ang mga konsehal sa syudad.
Sa maong sesyon, gitalakay ang daghang mga umaabot nga proyekto nga may dakong katungdanan sa kauswagan ug kalambuan sa lungsod. Ang mga proyekto nga gihisgutan naglakip sa infrastruktura, kahimsog, edukasyon ug mga programa alang sa kabatan-onan ug senior citizens, nga gilangkuban sa tanang sektor sa komunidad.
Usa usab sa gi-highlight sa sesyon mao ang preparasyon para sa umaabot nga Araw ng Digos, usa sa pinaka-giandam nga selebrasyon sa lungsod. Gidetalye ang mga plano sa programa, seguridad, ug partisipasyon sa mga sektor ug eskwelahan aron masiguro ang hapsay ug malipayong kalihokan.
Pinaagi sa koordinasyon ug panaghiusa sa mga opisyal, gipasalig sa Konseho nga padayon ang suporta sa mga inisyatibo nga makapauswag sa kinabuhi sa mga Digoseño.
