TAGUM CITY- Nag-aguroy sa kasakit human gibunalan og butilya sa ilimnong makahubog ang usa ka babaye alas 10:50 sa gabie, niadtong nakalabay nga adlaw sa Adrea Homes, New Visayas, Panabo City, Davao del Norte.
Sumala pa sa biktima nga diin iyahang gipost sa iyang Facebook account ang iyang kasinatian, nagpaabot lang matud pa sya ug masakyan human sa iyang trabaho diin kalit lang mipaingon ang motorsiklo sakay ang 3 ka wala mailhing indibidwal.
Subay sa impormasyon, ulahing nahinumduman nga adunay interes ang mga suspetsado sa pagkuha sa iyang cellphone, apan wala kini igong kusog aron makadipensa.
Nakahiagom ang maong babae og samad sa baba ug ulo nga bahin ingon man mirisulta sa pagkatumba niini, samtang abtik usab nga nakasibat ang mga suspetsado.
Sa karon, padayong giimbistigahan ang maong insidente ingon man nanawagan usab ang awtoridad alang sa dugang kooperasyon aron madakpan ang 3 ka wala mailhing indibidwal gamit sumala pa ang usa ka pula nga motorsiklo sa syudad sa Panabo.
