MATI CITY- Gipanawagan sa Municipal Health Office sa lungsod sa Banaybanay nga ipahigayon karong Agosto 5,2025 ang Libreng Mobile X-Ray sa Municipal Plaza nga magsugod sa alas 8 sa buntag. Ang maong aktibidad kabahin sa kampanya batok sa tuberculosis ug gilauman nga makapaabot ug serbisyong medikal ngadto sa mga residente nga adunay mga simtomas sa sakit.
Giawhag niini ang mga katawhan nga adunay sintomas sama sa ubo nga dugay nang giantos, kalintura ug pagsingot sa matag gabie, lakip ang mga katawhan nga nagniwang ug nibaba ang timbang. Gidasig sila nga magpakonsulta sa ilang mga Barangay Health Station aron ma-assess ug mahatagan ug tukmang serbisyo.
Gipahibalo ang mga interesado nga mo-avail sa libreng x-ray, gikinahanglan ang pagdala ug PhilHealth ID o MDR alang sa mga miyembro sa PhilHealth. Samtang sa mga dili pa miyembro, gikinahanglan ang photocopy sa ilang birth certificate ug usa ka valid ID isip requirement sa maong serbisyo.
Courtesy: MHO Banaybanay
