MATI CITY- Nasikop sa mga otoridad ang usa ka lalaki sa gikasang joint manhunt operation, pasado alas 9:00 sa buntag niadtong nakalabay nga adlaw, didto sa Purok Makiangayon, Barangay Manikling, San Isidro, Davao Oriental.
Ang operasyon gihimo sa mga personahe sa San Isidro Municipal Police Station, sa pakigtimbayayong sa Police Station 3 sa Cebu City Police Office, CIDG 11 Davao Oriental ug RIU 11 PIT Davao Oriental nga miresulta sa pagkasikop ni alyas “ALLAN”, 49 anyos, minyo, usa ka panday, gikonsiderang Top 10 Most Wanted Person sa PRO 7 Regional Level ug Rank No. 2 sa Provincial Level.
Giaresto ang suspek pinaagi sa pagpatuman sa warrant of arrest sa kasong paglapas sa section 11 ug 12 sa RA 9165 kun Comprehensive Dangerous Drugs Act of 2002 nga giisyu ni Hon. Ma. Lynna Pacamalan Adviento, Presiding Judge sa RTC Branch 58, 7th Judicial Region, Cebu City, penitsahan niadtong Mayo 16, 2022.
Ang suspek tukmang gipahibalo sa rason sa iyang pagkasikop ug mga katungod sa konstitusyon sa usa ka diyalekto nga iyang nahibal-an ug nasabtan.
Sa karun ang dinakpan anaa na sa kustodiya sa San Isidro Municipal Police Station alang sa tukmang disposisyon.
courtesy: San Isidro MPS
