GENERAL SANTOS CITY- Mas gipalig-on sa Department of Trade and Industry (DTI) Sultan Kudarat ang suporta sa lokal nga negosyo pinaagi sa pagpahigayon ug ocular inspection sa Negosyo Center Bagumbayan ug sa One Town, One Product (OTOP) Hub niadtong nakalabayng adlaw.
Ang pagbisita gitumong aron masiguro ang epektibo nga paghatod sa mga serbisyo sa Negosyo Center ngadto sa mga lokal nga negosyante, ug mapamatud-an ang pasalig sa DTI sa pagsuporta sa Micro, Small, and Medium Enterprises (MSMEs) sa grassroots level.
Kini nga inisyatibo nagpasiugda sa talagsaon nga mga lokal nga produkto aron nga matabangan ang pagpauswag sa pag-access sa merkado ug kompetisyon alang sa mga MSME sa munisipyo.
photo courtesy: DTI Sultan Kudarat
