NABUNTURAN- Nagpahigayon og random drug test ang Nabunturan Municipal Police Station ilawom sa pagpangulo ni PLTCOL Gomersendo L. Diwata II, alang sa ilang mga personahe kabahin sa paningkamot nga mapaayo ang internal cleansing ug mapalig-on ang integridad sa serbisyo nga nahitabo Agosto 1, 2025.
Gilangkuban sa 62 ka mga PNP personnel, 10 ka BISOC PNP personnel, 4 ka Non-Uniformed Personnel (NUP), ug 5 ka LGU-paid personnel.
Gipasiugdahan ang maong aktibidad sa Davao de Oro Forensic Unit ug gihimo sulod mismo sa buhatan sa Nabunturan MPS.
Tumong sa maong kalihokan ang pagpanghimatuud nga limpyo sa droga ang tanang personahe ug aron mapadayon ang taas nga pamatasan sa serbisyo publiko.
Nagpakita kini sa hugot nga suporta sa kampanya batok sa ilegal nga droga ug sa pagpanalipod sa kredibilidad sa organisasyon.
Photo credits: NABUNTURAN MPS
