GENERAL SANTOS CITY- Patay ang usa ka lalaki human kini gitigbas sa usa ka barangay tanod sa Barangay 34-D, Davao City. Ang suspek naila sa alyas nga “Mike” 39-anyos usa ka tanod sa nasampit nga lugar.
Base sa report nga nagalingkod sa gawas sa panimalay ang biktima kauban ang iyahang igsuon ug kalit nalang misulpot ang suspek ug kalit rang gitigbas ang biktima.
Nakadagan pa ang biktima ug nailog pa ang bolo nga gigamit sa suspek.
Gidala pa sa balay tambalanan ang biktima pero nakabsan kini ug kinabuhi, samtang padayun pang nag-paalim ang suspek sa ward sa Southern Philippines Medical Center tungod sa mga nakuha niining samad.
Sa pagkakaron ginaamdam na ang kaso batok sa suspek ug padayon gihapon ang imbestigasyon para masuta ang motibo sa krimen.
