IPIL- Gibansay, gipahibalo, ug gi-giyahan ang mga Agrarian Reform Beneficiary Organizations kon (ARBOs) atol sa duha ka adlaw nga capacity-building nga gipangulohan sa Cooperative Development Authority (CDA) ug Department of Agrarian Reform (DAR) niadtong nakalabay nga adlaw.
Giduso sa CDA ang sesyon sa pagbansay kabahin sa kooperatiba, diin gilatid ang estruktura, legal nga rekisito, ug papel sa mga miyembro,lakip gipasabot usab ang ilang katungod, katungdanan, ug dagkong oportunidad nga ilang mapuslan isip lehitimong kooperatiba.
Gitunol sa mga opisyal sa CDA ug DAR ang Certificate of Registration (COR) ug Certificate of Compliance (COC), nga nagtimaan sa opisyal nga pagkalehitimo sa mga ARBO isip fully recognized cooperatives.
Matud ni CARPO Delia B. Gabales sa DAR Central Office nga ang maong inisyatiba gitukod aron lig-onon ang access sa support services diin usa ka gisaligan nga haligi sa mandato sa DAR, kauban ang land tenure security ug agrarian justice delivery.
Pinaagi sa pagpangrehistro isip kooperatiba, napalapdan sa mga ARBOs ang ilang gahum nga modawat og dugang suporta ug mosalmot sa mga proyektong makatabang sa ilang paningkamot nga molambo.
