KIDAPAWAN CITY- Kasong paglapas sa RA 9165 o Comprehensive Dangerous Drugs Act of 2002 ang atubangon sa mag-amahan, human ang gikasang entrapment operation sa mga otoridad sa Brgy. Makir, Datu Odin Sinsuat, Maguindanao del Norte kagahapong adlawa.
Giila ni Datu Odin Sinsuat Municipal Police Station Chief of Police PLTCOL Esmael Madin ang mga suspek nga sila ni Noel Lembak Sulba, 55-anyos ug Esmael Diangkal Sulba, 22-anyos, nga pulos residente sa Talitay, Maguindanao del Norte.
Nakuha sa mag-amahang suspek ang 150grams sa gitouhang shabu nga nagkantidad og P1M. Nagmalampuson ang naasoy nga operasyon pinaagi sa hiniusang pwersa sa Datu Odin Sinsuat Municipal Police Station ug Maguindanao del Norte Provincial Police Office.
Gipahibalo usab sa mga otoridad sa ilang katungod ang mga suspek nga kasamtangang balhog na sa presohan.
Ang nahisgutang operasyon, pamatoud lamang sa seryosong kampanya sa mga kapulisan batok sa ilegal nga droga.
Contributed Photo
