DIGOS CITY- Andam na ang Commission on Elections (COMELEC) sa Davao del Sur ug ang tanang election officers sa probinsya alang sa voter registration nga pormal nga nagsugod Agosto 1 hangtod Agosto 10, 2025.
Matod ni Atty. Jennifer P. Ancla, Provincial Election Supervisor sa Davao del Sur, andam na ang mga lokal nga buhatan sa COMELEC aron mo-serbisyo sa mga botante sa tanang lungsod ug siyudad sa rehiyon.
Abli ang mga opisina sa COMELEC Lunes hangtod Domingo, alas 8 sa buntag hangtod alas 5 sa hapon, aron moabi-abi sa katawhan nga gusto magparehistro alang sa umaabot nga Barangay ug Sangguniang Kabataan Elections.
Gipahimangnoan sa COMELEC ang publiko nga dili na magpaulahi, ug gamiton ang maong oportunidad aron masiguro nga makabotar sila sa umaabot nga eleksyon.
