SURIGAO CITY- Nakahiagom sa bun-og ug kulata ang usa ka caretaker sa usa ka Beach Resort dihang gisumbag kini sa hubog nga higala, Hulyo 30, 2025, mga alas 6:15 sa gabii, didto sa Barangay Sabang, Surigao City.
Nakadawat og tawag sa telepono ang Surigao City Component Police Station (SCCPS), gikan sa usa ka concerned citizen nga nagreport sa kagubot.
Nagpakitabang sa kapulisan ang biktima nga si Dennis Ensomo Plaza, 48 years old, caretaker sa Ohana Beach, ug molupyo sa Purok 7, Navalca, Barangay San Juan, Surigao City.
Gireklamo ang suspek nga si Riche Caballero Castro, 38 years old, self-employed, ug molupyo sa Purok 5, Barangay Sukailang, Surigao City.
Matod sa reklamante nga si Plaza, siya ug ang iyang higala nga si Castro, nag-inom niadtong higayona dihang nahubog na ang suspek kalit lang siyang gisumbag sa makadaghang higayon tumong sa nawong nga miresulta sa pagkaangol.
Daling gi-aresto ang suspek ug gipasakaan sa kasong Physical Injury. Anaa na karon sa kustodiya sa Surigao City Police Station alang sa inquest proceedings.
