𝗗𝗜𝗔𝗟𝗬𝗦𝗜𝗦 𝗖𝗘𝗡𝗧𝗘𝗥, 𝗖𝗢𝗩𝗘𝗥𝗘𝗗 𝗖𝗢𝗨𝗥𝗧 𝗨𝗚 𝟮-𝗦𝗧𝗢𝗥𝗘𝗬 𝗠𝗨𝗟𝗧𝗜𝗣𝗨𝗥𝗣𝗢𝗦𝗘 𝗕𝗨𝗜𝗟𝗗𝗜𝗡𝗚, 𝗣𝗢𝗥𝗠𝗔𝗟 𝗡𝗚𝗔 𝗚𝗜-𝗜𝗡𝗔𝗚𝗨𝗥𝗔𝗛𝗔𝗡 𝗦𝗔 𝗠𝗜𝗗𝗦𝗔𝗬𝗔𝗣

KIDAPAWAN CITY- Pormal nga gi-inagurahan ni Cotabato Governor Emmylou Mendoza kagahapong adlawa, ang Dialysis Center Building sa Dr. Amado Diaz Provincial Foundation Hospital sa Brgy. Poblacion 4, Midsayap, North Cotabato.

Ang nasangpit nga istraktura, gipundohan sa kantidad nga P6,493,745.78 nga maghatag ug bag-ong paglaom sa mga pasyente nga nag-antos sa sakit sa kidney nga kinahanglang magpa-dialysis.

Gawas sa dialysis center sa DADFH, miadto usab ang gobernador sa Barangay San Isidro aron i-turn over ang P4,997,776.98 covered court ug P4,993,048.82 2-storey multipurpose building sa Barangay Kiwanan sa susamang munisipyo.

Kini nga mga proyekto kabahin sa padayong adbokasiya sa kagamhanang probinsyal aron mapaduol ang dekalidad nga serbisyo ug magpakita sa tinuod nga pagpakabana sa matag Cotabateño gikan sa panglawas, edukasyon, hangtod sa kahapsay sa matag komunidad.

Source: Provincial Government of Cotabato